வெறித்தனமா வெளியானது தளபதி 64 அப்டேட்: அக்டோபரில் படப்பிடிப்பு!

         தமிழ் சினிமாவில் மாஸ் ஹீரோக்களில் ஒருவராக இருக்கும் விஜய் தற்போது பிகில் படத்தில் நடித்து முடித்துள்ளார். தெறி, மெர்சல் ஆகிய படங்களைத் தொடர்ந்து விஜய் அட்லி இயக்கத்தில் இந்தப் படத்தில் நடித்துள்ளார். இதில், நயன்தாரா, கதிர், இந்துஜா, விவேக், ஐ.எம். விஜயன், ஜாக்கி ஷராப், வர்ஷா போலம்மா, யோகி பாபு ஆகியோர் உள்பட பலர் நடித்துள்ளனர்

        ஏஜிஎஸ் சார்பில் கல்பாத்தி அகோரம் இப்படத்தை தயாரித்துள்ளார். ஏ ஆர் ரஹ்மான் இப்படத்திற்கு இசையமைத்துள்ளார். ரூபன் எடிட் செய்ய விஷ்னு இப்படத்திற்கு ஒளிப்பதிவு செய்துள்ளார். அப்பா, மகன் இரு வேடங்களில் விஜய் நடித்துள்ளனர். மகன் விஜய் பெண்கள் கால்பந்து விளையாட்டு கோச்சாகவும், அப்பா விஜய் தாதாவாகவும் நடித்துள்ளதாக கூறப்படுகிறது. 

       இப்படத்தின் போஸ்ட் புரடக்‌ஷன் வேலைகள் நடந்து வருகிறது. இன்னும் ஓரிரு நாட்களில் விஜய் இப்படத்திற்கான டப்பிங் பணியை முடிப்பார் என்று எதிர்பார்க்கப்படுகிறது. வரும், தீபாவளிக்கு இப்படம் வெளிவரும் என்று அறிவிக்கப்பட்டுள்ளது. 

இதனைத்தொடர்ந்து அனைவரையும் ஆச்சரியப்படுத்தும் விதமாக இளமி பட்டாளங்களுடன் இணைந்து தனது 64ஆவது படத்தில் நடிக்க உள்ளார். இப்படம் குறித்து தற்போது அதிகாரப்பூர்வமான அறிவிப்பு வெளியிடப்பட்டுள்ளது. அதன்படி, மாநகரம், கைதி படங்களை இயக்கிய லோகேஷ் கனகராஜ் இப்படத்தை இயக்குகிறார். 

       அனிருத் இப்படத்திற்கு இசையமைக்கிறார். ஷேவியர் பிரிட்டோ இப்படத்தை தயாரிக்கிறார். எக்ஸ்பி பிலிம் கிரியேட்டர்ஸ் நிறுவனம் இப்படத்தை தயாரிக்கிறது. மேலும், சத்ய சூரியன் ஒளிப்பதிவு செய்ய, பிலோமின்ராஜ் எடிட் செய்கிறார். ஸ்டண்ட் சில்வா இப்படத்திற்கு சண்டைக் காட்சிகள் அமைக்கிறார். சோனி மியூசிக் நிறுவனம் இப்படத்தின் இசை உரிமையை கைப்பற்றியுள்ளது. 

                சதீஷ் குமார் இப்படத்தின் கலை பணியை மேற்கொள்கிறார். அக்டோபர் மாதம் இப்படத்தின் படப்பிடிப்பு தொடங்குகிறது. இதையடுத்து வரும் 2020 ஆம் ஆண்டு ஏப்ரல் மாதம் இப்படம் திரைக்கு வரும் என்று அறிவிக்கப்பட்டுள்ளது.

     மற்ற நடிகர், நடிகைகள் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது.