இனி கிழியாது... கசங்காது... பிளாஸ்டிக் 10 ரூபாய் அச்சடிக்க அனுமதி..!!

இனி கிழியாது... கசங்காது... பிளாஸ்டிக் 10 ரூபாய் அச்சடிக்க அனுமதி..!!

புதுடில்லி: இனி கிழியாது... கசங்காது என்று விபரமறிந்தவர்கள் சொல்றாங்க... எதற்காக என்கிறீர்களா? பிளாஸ்டிக் 10 ரூபாய் நோட்டுகளை அச்சடிக்க ரிசர்வ் வங்கிக்கு மத்திய அரசு அனுமதி வழங்கியிருக்கு என்பதைதான் அப்படி சொல்லியிருக்காங்க...

பிளாஸ்டிக் ரூபாய் நோட்டுகளை அச்சடிக்க ரிசர்வ் வங்கி நீண்ட காலமாக முயற்சித்து வருகிறது. கடந்த 2014-ம் ஆண்டு பிப்ரவரி மாதம் மத்திய அரசு ஒரு கோடி பிளாஸ்டிக் 10 ரூபாய் நோட்டுகளை அச்சடித்து குறிப்பிட்ட சில நகரங்களில் மட்டும் சோதனை மேற்கொள்ளவுள்ளதாக பாராளுமன்றத்தில் தெரிவித்திருந்தது.

இந்நிலையில் பிளாஸ்டிக் 10 ரூபாய் நோட்டுகளை அச்சடிக்க ரிசர்வ் வங்கிக்கு அனுமதி வழங்கி விட்டதாக மத்திய அரசு தெரிவித்துள்ளது.

மக்களவையில் ஒரு கேள்விக்கு மத்திய இணை மந்திரி அர்ஜீன் ராம் மேக்வால் எழுத்துப்பூர்வமாக அளித்த பதிலில், "நாட்டின் 5 பகுதிகளில் பிளாஸ்டிக் நோட்டுகளை அச்சடித்து சோதனை மேற்கொள்ள முடிவு செய்யப்பட்டுள்ளது. பிளாஸ்டிக் நோட்டுகளை அச்சடிக்கத் தேவையான மூலப்பொருள்களை கொள்முதல் செய்யவும், பிளாஸ்டிக் நோட்டுகளை அச்சடிக்கவும் ரிசர்வ் வங்கிக்கு அனுமதி வழங்கப்பட்டுள்ளது" என்று தெரிவித்துள்ளார்.