ஆர்.கே. நகரில் போட்டியிட எனக்கு தொல்லை: தீபா

ஆர்.கே. நகரில் போட்டியிட எனக்கு தொல்லை: தீபா

சென்னை: ஆர்.கே.நகர் இடைத்தேர்தலில் போட்டியிட எனக்கு தொல்லை கொடுக்கின்றனர் என ஜெயலலிதா அண்ணன் மகள் தீபா கூறியுள்ளார்.ஆர்.கே.நகர் இடைத்தேர்தலில் நான் போட்டியிடுவது மக்களின் விருப்பமே .

சென்னையில் பத்திரிகையாளர்களை சந்தித்த ஜெயலலிதாவில் அண்ணன் மகள் தீபா கூறுகையில் : ‛‛இரட்டை இலை சின்னத்தில் நான் போட்டியிடவில்லை. எம்.ஜி.ஆர் அம்மா தீபா பேரவை சார்பாக போட்டியிடுவேன். பேரவையின் முக்கிய நிர்வாகிகளிடம் ஆலோசித்த பின்னரே முக்கிய முடிவுகள் எடுக்க இருப்பதாகவும், ஜெயலலிதாவின் வாரிசாக பொதுமக்கள் என்னை தேர்வு செய்வார்கள்.'' இவ்வாறு தீபா கூறினார்.

ஜெ., நினைவிடத்தில் தீபா தியானம்

மெரினா கடற்கரையில் உள்ள ஜெயலலிதா நினைவிடத்தில் மவுன அஞ்சலி , சிறுது நேரம் தியானம் செய்தார்.

பின்னர் தீபா கூறியதாவது: ‛‛ஒரு தாய்க்கும் மகளுக்கு உள்ள உறவு போன்றது எனக்கும் ஜெயலலிதாவிற்கும் இருந்த உறவு . இதற்கு யார் எங்களை கேள்வி கேட்பது. மக்கள் எங்களுக்கு ஆதரவு அளிப்பார்கள். ஜெயலலிதாவுக்கு அளிக்கப்பட்ட சிகிச்சை குறித்து உரிய விளக்கம் அளிக்கப்படவில்லை. ஆர்.கே.நகரில் போட்டியிடக்கூடாது என எனக்கு தொல்லை கொடுக்கின்றனர்.'' என கூறினார்